Night Vigil

De “Cercle des Anciens de la Garde Grand-Ducale” erënnert un d’Rundstedtoffensiv, déi de 16. Dezember 1944 ugefaangen huet, e Samschdeg, den 18. Dezember. De Programm vum 28. Trip-Souvenir “Night Vigil” (Nuetswaach) um Emplacement vun der Cie B/60 AIB Steekaul gesäit ewéi folgend aus:

8.45 Auer: Rassemblement bei der Kierch zu Beefort
8.50 Auer: Blummen néierleeë virum Monument aus Morts vun der Gemeng Beefort fir d’Verstuerwen aus dem Zweete Weltkrich (Kazettler, Prisonnéier, Zwangsrekrutéiert asw.) durch d’Häre Camille Hoffmann Camille (Buergermeeschter) an Elie Kryloff (ancien Combattant aus dem Korea-Krich) verbonne mat der Sonnerie aux Morts gespillt vum Edmond Faber Edmond an och “Stille Nacht”.
9.15 Auer: Mass an der Kierch, zelebréiert vum Aumônier Nicolas Wenner mat der Ënnerstetzung vun der Chorale Sainte Cécile vu Beefort
10.45 Auer: Rendezvous am Kummelsbau, wou d’Gemeng den Éierewäin offréiert.
11.30 Auer: Blummen nidderleeë bei de Kräizer vun de G.I. beim Kummelsbau. Den Edmond Faber spillt “The Last Post – The Star of Spangled Banner”, d’Heemecht an als Ofschloss “Stille Nacht”. Duerno ginn d’Blumme virun der Stèle vum T/Sgt Bob Hebert um Schéidbierg geluecht.

Invitéiert sinn d’Gemengenautoritéite vu Beefort, Duerfleit an d’Membere vun der Garde. D’Gedenkfeier gëtt ofgehalen ënnert den zu dem Zäitpunkt virgeschriwwene Covid-Restriktiounen.

Date

18 décembre 2021
Expiré!

Heure

08:45 - 12:00
QR Code