Schleck Gran Fondo
D’Vëloscourse “Schleck Gran Fondo” (155 Kilometer vu Munneref op Munneref) mécht säi Passage rëm duerch Beefort. Wéi an der Vergaangenheet ass och dës Kéier de Ravitaillement um Parking “op der Gare” (vis-à-vis vun der Hostellerie de Beaufort). Nom Départ ëm 9.30 Auer geet et iwwer Ohn, Fluesweiler, Wecker, Bech, Konsdrëf, Mëllerdall, Vugelsmillen op Beefort an duerno weider op Eppelduerf. De Ravitaillement zu Beefort ass tëschen 11 a 14 Auer virgesinn a wärend där Zäit wäerten och d’Coureuren zu Beefort ënnerwee sinn.
