Concert um Kiosk

Op Invitatioun vun der Kulturkommissioun an an Zesummenaarbecht mat der Gemeng Beefort hunn “Les Amis de l’Accordéon” vun Esch/Uelzecht gëschter Sonndeg ee Concert ginn. De Concert huet em 16 Auer ugefaangen a gespillt gouf um Kiosk. Den Entrée war fräi an de Concert gouf gehalen ënnert den aktuelle Covid-19-Reegelen.

Et hu sech zwar nëmmen eng handvoll Zuschauer afonnt mee ëmmerhin ass et eng kleng Erliichterung, datt rëm Aktivitéiten am Duerf kënnen organiséiert ginn. Et bleift ze hoffen, datt an Zukunft d’Situatioun sech weiderhi verbessert an esou weider Manifestatiounen iwwert d’Bühn kënne goen.

Zum Ofschloss vum Concert, deen eng gutt annerhallef Stonn gedauert huet, hunn d’Vertrieder vun der Kulturkommissioun mat der neier Presidentin Monique Link un der Spëtzt dem Dirigent Daniel Pagliarini eng vum Beeforter Schlass offréierte Fläsch Beeforter Cassis iwwerreecht.

Den nächste Rendezvous um Kiosk steet och schonns fest. Den nei gegrënnte Veräin “Beeforter Duerffrënn” organiséieren e Sonndeg, de 4. Juli, vun 10 bis 17 Auer  déi éischt Editioun vum Duerfmaart.

Dernière modification le 21.06.2021

Des articles de la même catégorie

Participativ Informatiounsversammlung

Participativ Informatiounsversammlung

D‘Gemeng Beefort invitéiert op eng participativ Informatiounsversammlung an de Kummelsbau e Méindeg, den 19. Februar, ëm 18 Auer. De Schäfferot stellt de Projet “Centre d‘Accueil Müllerthal“, dem neien Naturparkgebai vum “Natur- a Geopark Mëllerdall“ vir. Bei dëser...

lire plus
Europawalen

Europawalen

E Sonndeg, den 9. Juni, sinn Europawalen. Walberechtegt sinn nieft de Lëtzebuerger och Bierger aus engem EU-Memberstaat. Et gëlle folgend Délaien: Bréifwal: - 17. Mäerz: ab dësem Datum ass et méiglech Bréifwal unzefroen.- 30. Abrëll: Leschten Délai fir den Envoi vun...

lire plus
Aller au contenu principal