Foodsharing

“Foodsharing Luxembourg” rett Liewensmëttel virun der Poubelle a verdeelt dës gratis un all Mënsch egal a wéi enger finanzieller oder sozialer Situatioun ee sech befënnt. Dës Liewensmëttel si vu Supermarchéen aussortéiert gi well se ze grouss, ze kleng, ze kromm, eng Téitsch, eng komesch Faarf hunn oder einfach nëmme laanscht hire Mindesthaltbarkeetsdatum sinn. Mee dat heescht nach laang net, datt een dëst net méi iesse kann. Ganz am Géigendeel! All dës Liewensmëttel goufen hinne fräiwëlleg vu verschiddene Supermarchéë a Geschäfter gespent déi dës soss ewechgehäit hätten. Gäre kann een och eege Liewensmëttel matbréngen, déi een net méi braucht. Alles ass gratis!

Wéi:
– D’Diire gi pénktlech wéi affichéiert op.
– Am beschten ass et ee besse virdrun ze kommen éier opgemeet gëtt.
– Kommt eran an huelt iech gratis mat wat dir fir aeren Haushalt braucht.
– Weg denkt drunn dass mir all Woch ganz ënnerscheedlech Quantitéiten vun de Supermarchéë kréien.