D’Ekipp ëm de Fierschter Marc Hoffmann huet gëschter an haut de Moien zwee Chrëschtbeem zu Beefort opgeriicht. Punkt 11 Auer stoung den éischte Bam am ale Beeforter Duerfkäer virum Schmattshaus an der Montée du Château. Mol keng 24 Stonne méi spéit gouf den zweete Chrëschtbam niewen der Kierch opgeriicht.
An den nächsten Deeg ginn d’Luuchten op d’Chrëschtbeem opgehaangen. Ewéi schonns ugekënnegt wäert d’Beliichtung nëmme kuerz wärend de Moies- an Owesstonnen (maximal sechs Stonne pro Dag) u bleiwen. Dëst geschitt am Kader vun den Energiespuermoossnamen, déi de Schäfferot décidéiert huet.
