D’Leader Mëllerdall ënnerstëtzt am Kader vum regionalen Umbrella-Projet kleng Aktivitéiten an Offeren am Volet „Kultur&Tourismus“. Zil vun der Initiativ ass et fir Mini-Projete vu Veräiner, Gemengen an engagéiert Gruppen an der Regioun Mëllerdall ze fërderen. Agereecht kënne ginn Aktivitéiten an de Beräicher Kultur an Tourismus, déi an der Regioun Mëllerdall ëmgesat ginn. Méiglech si Mini-Projete mat kulturellem oder kulturtouristeschem Hannergrond, zum Beispill iwwert d‘Kulturgeschicht, d‘Kulturlandschaft, d‘regional Identitéit, Kulturtourismus, mat Artisten aus der Regioun, a.s.w.
De Fokus fir d’Ënnerstëtzung läit dobäi besonnesch op finanziell kleng, mä innovative Mini-Projete vu lokalen oder regionalen Acteuren, Gemengen an Associatioune mat vill Engagement am Benevolat, mä ouni grouss Administratioun. D‘Mini-Projete kënne mat engem Subside vu maximal 4.000 Euro pro Mini-Projet bezouschusst ginn. An dësem drëtten Opruff stellt de Leader-Grupp eng Enveloppe vun 12.000 Euro bereet.
Projete mat engem kommerziell-ekonomeschen Hannergrond sinn net eligibel.
Delai fir Projetsiddien op mellerdall@leader.lu anzereechen ass den 31. Januar 2026. Eng Décisioun gëtt dann bis Enn Februar 2026 getraff.
Rahmenbedingungen für Mini-Projekte Regioun Mëllerdall (pdf): https://beaufort.lu/wp-content/uploads/2025/10/Rahmenbedingungen_Mini_Projekt_ME.pdf
