Fir knapps 300 Kanner huet haut op dem 15. September rëm den Eescht vum Liewen ugefaangen. Passend zu der Stëmmung vun enger Rëtsch Kanner huet sech och d’Wieder haut de Moie presentéiert: Frësch a fiicht oder zesummegefaasst et war de Géigendeel vun de leschten Deeg.
Verschidde Kanner konnten eng Première erliewe mee déi mannst hunn dat de Moie matkritt. Eréischt an e puer Joer wäert hinne bewosst sinn, datt se déi éischt Schüler an der neier Spillschoul waren. Zwee Deeg virdru konnt d’Maison Relais seng éischt nei Gäscht empfänken.
Soubal d’Wiss ronderëm dat neit Gebai seng richteg Gréisst a Stäerkt huet, da kënne sämtlech Kanner ebenfalls déi nei Spillplaz benotzen. Zum Schluss Fotoe vun der neier Maison Relais mat Spillschoul, déi gëschter am Nomëtteg an Owend gemeet goufen mat aktuell Fotoe vu bausse vun haut de Moien.
