Aweiung vun der Spillschoul mat Maison Relais

De leschte Freideg war et endlech souwäit: Déi “nei” Spillschoul mat Maison Relais, déi zanter dem leschte September funktionéiert, gouf endlech ageweit. Laang huet een op dës Feierlechkeete gewaart an nodeems den Educatiounsminister Claude Meisch seng Präsenz zougesot huet, goufen d’Invitatioune verschéckt.

Iwwer véier Joer huet et gedauert bis dat neit Gebai funktiounsfäeg war. D’Pandemie huet eng Rëtsch Aarbechten an d’Längt gezunn an och d’Liwwerzäiten ware méi laang ewéi virgesinn. Den Neibau kascht ronn 6,5 Milliounen Euro an dovunner gi sech eng 2,2 Milliounen Subsiden erwaart.

Nom Empfang vun de Gäscht ass de Buergermeeschter Camille Hoffmann op den Historique vum Site agaangen. Op dëser Plaz war fréier d’Gare vum “Beeforter Josy” an d’Gebai gouf spéider an eng Spillschoul ëmfunktionéiert.  Den 19. Juli 1968 huet de Beeforter Gemengerot d’Margot Flammang als éischt Spillschoulsjoffer ernannt. Et war den 23. Oktober 2018 um 9.11 Auer moies wéini dat lescht Stéck vum deemolege Gebai ëmgefall ass.

Uschléissend huet den Architekt Uwe Kramer d’Gebai virgestallt an nodeems d’Kanner aus dem Cycle 1 an der Maison Relais ee flotte musikaleschen Optrëtt presentéiert hunn huet den Educatiounsminister d’Schlusswuert gesprach. Nom Duerchschneide vum Bändchen hunn d’Éieregäscht een Tour duerch d’Gebai gemeet an ofgeschloss gouf d’Aweiung mat engem Éierepatt an Agape.

Ee klenge Réckbléck a Biller vun der Aweiung.  

Dernière modification le 14.06.2022

Des articles de la même catégorie

Energiespar-Set / Kit d’économie

Energiespar-Set / Kit d’économie

Energiesparen leicht gemacht Energie zu sparen bedeutet, an einer gemeinsamen nationalen Mission mitzuwirken. Angesichts der angespannten geopolitischen Lage ist Handeln von uns allen gefragt. Dank Enovos und seinem Energieeffizienzprogramm enoprimes stellen wir allen...

lire plus
Marktplatz der Ideen « Duerfkäer Beefort »

Marktplatz der Ideen « Duerfkäer Beefort »

D‘Gemeng Beefort invitéiert op eng participativ Informatiouns­versammlung e Mëttwoch, de 25. Januar, ëm 18.30 Auer am Kummelsbau. De Schäfferot stellt de Projet “Aménagement d’une zone de rencontre dans le centre de la localité de Beaufort“ an de Projet “Réaménagement...

lire plus
Kee Freedefeier / Pas de feux d’artifice

Kee Freedefeier / Pas de feux d’artifice

De Schäfferot huet a senger Sëtzung vum 14. Dezember 2022 décidéiert dëst Joer keng Genehmegung ze gi fir Freedefeier oder Knupperten am ëffentleche Raum an op Privatterrain ofzeschéissen. Basis ass d’neit Policereglement, dat de 27. Mee 2020 vum Gemengerot eestëmmeg...

lire plus