A gutt fënnef Wochen ass Chrëschtdag a passend zu der Zäit steet zanter dem spéide Moien ee Chrëschtbam nieft der Kierch. Reen an zäitweis ee bësse méi staarke Wand haten den Ekippe vun de Bëschaarbechter an dem Service technique net grad ideal Bedingunge fir dës Aktioun ginn.
Ville Leit wäert de Bam nieft der Kierch iergendwéi bekannt virkommen, deen zu Beefort “opgewues” ass. Iwwer zéng Joer stoung hien op Nummer 120 un der Grand-Rue. Aus dem Gaart vum Hotel Meyer aus konnt hien iwwert d’Gaardemauer ewech op d’Strooss kucke wéi sech d’Gemeng entwéckelt huet wärend hien am Summer fir Schiet d’Gäscht gesuergt huet.
Lo steet hien ee gudde Kilometer weider a suergt an den nächste Woche fir déi passend Stëmmung zum Joresenn.
