Am Kader vum nationalen Dag vum Bam gouf och zu Beefort eng Planzaktioun organiséiert. De leschte Freideg hunn d’Schoulkanner aus dem Cycle 3.2 zesumme mat hirem Léierpersonal a mam Fierschter a Präsenz vum Beeforter Gemengerot a Vertrieder vun der Ëmweltkommissioun de Bam vum Joer “Carpinus betulus” (Hainbuche) an nach aner Beem geplanzt.
Dat Ganzt war an der Seiwecht, net wäit ewech wou sech verschidde Wanderweeër an de Josy-Wee fir an d’Steekaul bei der Spatzkéier kräizen. No der ustrengender Planzaktioun am Bulli gouf et zum Ofschloss ee gudde Schocki an och de Boxemännchen huet nach besser geschmaacht.
