Ee bësse kuerzfristeg mee trotzdeem ass et gelongen dëst Joer eng Journée 55+ ze organiséieren. De Schäffen- a Gemengerot an Zesummenaarbecht mat de Beeforter Senioren huet op ee gemittlechen Nomëtteg an de Kummelsbau invitéiert.
An enger flotter Gesellschaft an Ambiance konnt jidderee bei Kaffi a Kuch an engem gudde Pättchen e puer flott a gemittlech Stonnen am Kummelsbau verbréngen. Virdru gouf et nach ee kale Plat als Stäerkung.
Et gouf rëm eng gratis Navette fir Leit mat beschränkter Mobilitéit ugebueden a fir Animatioun a Musek huet de Romain Thielen gesuergt. Beim Heemgoe krut jiddereen nach ee klenge Kaddo iwwerreecht an zwar eng Thermosfläsch mam Beeforter Wopen drop.
