Ee méi séchere Schoulwee

Konstruktiv Diskussiounen, Meenungsaustausch a gemeinsam Iwwerleeungen an der Schoulkommissioun an eng gutt Zesummenaarbecht mam Schäfferot droen hir Friichten. De Schoulwee ass méi sécher ginn.

Ugefaange mam “Kiss & Go” beim Gemengenatelier bei der Jugendherberge. Schonns zanter enger Zäitche gouf hei ee Sens unique agezeechent. Mam Auto fiert ee fir d’éischt laanscht d’Jugendherberge, d’Maison relais an dem Gemengenatelier fir op dem gréng gezeechente Beräich kuerz stoen ze bleiwen an d’Kand oder Kanner op der rietser Säit aus dem Auto erauszeloossen. Vun hei aus kënnen d’Kanner a Sécherheet an d’Schoul goen. Uschléissend mécht ee mam Auto den Tour fäerdeg a fiert vum Areal eraus.

De “Kiss & Go” ass op kee Fall eng Parkplaz. D’Parkplaze sinn direkt niewendrun an hei kann een den Auto stoe loosse fir mam Kand oder de Kanner bis an d’Schoul ze goen.

Nieft dem “Kiss & Go” gouf hannert dem Parking un der Haaptstrooss een neie Schoulwee ugeluecht. Esou gi se dem Verkéier Richtung oder vum Kinnewee aus aus dem Wee. Um Kinnewee gelt eigentlech een allgemengt Fahrverbot an deenen zwou Richtungen. Leider benotze vill Elteren de Kinnewee als Ofkierzung a besonnesch an donkelen Joreszäite virun oder no der Schoul kënnt et zu geféierleche Situatiounen. Op dëser Plaz gëtt nach eng Kéier un d’allgemengt Fahrverbot erënnert.

Dësen neie Schoulwee kritt fir d’Rentrée nach Luuchten esou, datt fir nach méi Sécherheet gesuergt gëtt. Elleng dësen neien Deel kascht iwwer 15.000 Euro, d’Luuchten an de “Kiss & Go” net mat agerechent. D’Kanner si gebieden elo schonns den neie Schoulwee ze benotzen esou, datt et spéitstens fir d’Rentrée zur Gewunnecht gëtt a besonnesch wärend den däischteren Joreszäite wäert dëse Wee fir nach méi Sécherheet suergen.   

Déi nächst Etapp ass den Deel vun der Maison Relais hanne laanscht de fréiere Scoutschalet bis bei d’Schoulareal unzepassen an ze aménagéieren.   

Dernière modification le 28.06.2023

Des articles de la même catégorie

Fréiere Schapp vum “Josy” ofgebrannt

Fréiere Schapp vum “Josy” ofgebrannt

Gëschter am Laf vum Nomëtteg huet et am fréiere Schapp vum “Josy” gebrannt. De “Josy” war den Zichelchen, deen tëschen de Joren 1904 a 1948 vum Grondhaff erop op Beefort gefuer ass. Am Joer 1966 huet de “Comité protecteur de la Troupe St Willibrord” vun Iechternach de...

lire plus
Interaktive Geo-Pad ageweit

Interaktive Geo-Pad ageweit

Gëschter am Nomëtteg gouf den interaktive Geo-Pad “Haupeschbaach an Halerbaach” a Präsenz vum Minister fir Raumentwécklung Claude Meisch offiziell ageweit. Schonns am Oktober d’lescht Joer gouf de Grondstee vun dësem Geo-Pad geluecht:...

lire plus
Ee Logo fir d’Gemeng Beefort

Ee Logo fir d’Gemeng Beefort

Mat enger grousser Majoritéit (zéng Jo-Stëmmen an enger Enthalung) huet de Gemengerot gëschter Owend den neie Logo vun der Gemeng Beefort validéiert. D’Iddi vun engem moderne Logo nieft dem Wopen, dee weiderhin erhale bleift, stoung schonns eng länger Zäit am Raum an...

lire plus
Aller au contenu principal