Europadag mat zouene Grenzen

Um Europadag den 9. Mee hunn eng Rei Lëtzebuerger Stied a Gemengen, zesumme mat hire jeeweilegen Nopeschgemengen aus Däitschland, der Belsch a Frankräich, den europäesche Fändel eropgezunn, fir sech fir d’Ouverture vun de Grenzen anzesetzen. Si hu mat dësem symbolesche Geste e staarke Message vu Solidaritéit un all d’Memberstaate vun der Europäescher Unioun geschéckt.

De Beeforter Gemengerot huet sech och un dëser symbolescher Aktioun bedeelegt. Op der Sauerbréck zu Déiljen gouf den Europafändel, deen op Hallefmast stoung, pénktlech ëm 11 Auer ënnert de Kläng vun der Europahymn “Ode an die Freude” héich gezunn. Vu que, datt zu dem Zäitpunkt d’Land an der éischter Phase vun der Lockerung vun den Ausganksbeschränkunge wor, gouf keen allgemengen Opruff gemeet fir sech un dëser Aktioun ze bedeelegen.

Erënnere mer drun, datt eigentlech deen Dag ee gréissert Fest zu Beefort geplangt wor. Nieft dem traditionelle Blummemaart vum Syndicat d’initiative et du tourisme hat d’Integratiounskommissioun eng éischt Editioun vum Europafest mat engem Vide-grenier virgesinn.

Deklaratioun fir den 9. Mee 2020 (L)
Déclaration du 9 mai 2020 (F)

De Video op der Facebook-Säit vun der Gemeng Beefort

 

Print Friendly, PDF & Email

Des articles de la même catégorie

Technesch Problemer mam Kontaktformular

Technesch Problemer mam Kontaktformular

De Kontaktformular huet technesch Problemer an d’Maile gi weder virugeleet nach enregistréiert. Mir bieden Iech Är Messagen op population@beaufort.lu ze schécken. Leider ass net gewosst zanter wéini dee Problem besteet a mir bieden ëm Är Versteesdemech wa mer bis elo...

mehr lesen
2.893 Awunner

2.893 Awunner

Op den 1. Januar 2021 zielt d'Gemeng Beefort 2.893 Awunner, 22 méi ewéi genau virun engem Joer. Um Grondhaff wunne 65 (+5), zu Déiljen 236 (-7) an zu Beefort 2.592 (+24) Leit. Am Ganze si 65 Nationalitéite (+6) vertrueden. Den Detail an d’Evolutioun vun den...

mehr lesen
Kee Freedefeier / Pas de feux d’artifice

Kee Freedefeier / Pas de feux d’artifice

Wéinst der aktueller Situatioun (ënner anerem no Chrëschtdag Ausgangsspär tëschen 21 a 6 Auer, Aschränkunge bei de Visiten an de Risiko vu Verletzungen, déi an den iwwerlaaschte Klinike musse behandelt ginn, ze vermeiden) huet de Schäfferot décidéiert dëst Joer keng...

mehr lesen