De Schäffen- a Gemengerot an Zesummenaarbecht mat de Beeforter Senioren a mat der berodender Kommissioun vum Drëtten Alter hu gëschter op déi éischt “Journée 70+” an de Kummelsbau invitéiert. Bekanntlech sinn et aus traditioneller “Journée 55+” dëst Joer zwou Manifestatiounen entstanen: d’Generatiounsfest an d’”Journée 70+”.
An de leschten Joren ass d’Zuel vun den Awunner an der Gemeng, déi iwwer 55 Joer hunn, ëmmer méi grouss ginn a beim Fest am Kummelsbau war et ëmmer manner Plaz. Aktuell op den 1. November 2025 gekuckt zielt d’Gemeng Beefort 841 Matbierger iwwer 55 Joer. Dat ass de Gronn, datt lo zwou generatiounsiwwergräifend Fester organiséiert ginn.
An enger flotter Gesellschaft an Ambiance gouf sech gutt ameséiert a jidderee krut ee gudde Maufel an ee Pättchen zerwéiert. Fir Animatioun a Musek hunn den “Trio Mélange” an de Leandro William gesuergt. Ënnerstëtzung kruten d’Organisateure vum Anabel a Ricardo vum “Club Aktiv Plus An der Loupescht”.
E puer Andréck vu gëschter:
