E Freideg war de Vernissage vun enger Ausstellung mat schwaarz-wäisse Fotoe vum Christian Kieffer iwwer Beeforter Handwierksbetriber. Dës Ausstellung an der Primärschoul gëtt vun der Kulturkommissioun an Zesummenaarbecht mat der Gemeng Beefort organiséiert.
De Christian Kieffer vu Beefort ass e lëtzebuergesche Kënschtler am Beräich vun der Fotografie, Autodidakt an ass zënter méi ewéi 20 Joer haaptsächlech am Beräich vum Fotojournalismus, Documentaire, Stroosseportrait an artistesch Portraiten aktiv. Seng Virléift läit bei der schwaarz-wäisser Fotografie.
Fir dës Ausstellung huet hien enger Rei Handwierksbetriber mat sengem Fotoapparat hinnen iwwert d’Schëller gekuckt an dobäi si bei hirer Aarbecht d’Situatioun am Bild festgehal. Entstane si flott Biller, déi op eng impressionant Manéier weisen ewéi ee Produkt entsteet. Als Konsument gesäit ee bal ausschliisslech de fäerdege Produit an net déi verschidden Etappen. Leider war et net méiglech sämtlech Handwierksbetriber ze dokumentéieren a beim Vernissage gouf schonns eng Fortsetzung an Aussiicht gestallt fir schlussendlech eng komplett Serie ze hunn.
Nieft dem Christian Kieffer stellen d’Schüler aus der Klass 2.1 hir gemoolte Biller aus. Hiert Thema war “Wenn ich groß bin, will ich … werden”. Hei hu si hier Beruffswënsch op de Pabeier bruecht. Et dierft ee gespaant sinn, op dee Wonsch schliisslech an Erfëllung gëtt.
D’Ausstellung ass nach den nächste Samschdeg a Sonndeg, de 4. a 5. Mäerz, all Kéiers vu 14 bis 18 Auer an der Primärschoul ze gesinn.
