De leschte Samschdeg huet d’Gemeng Beefort zesumme mam Fierschter a senger Ekipp eng Holzstee mat Lietsch organiséiert. Am Géigesaz zu de leschte Jore war d’Holzstee am “Scheiwelterbësch”, deen Ausgank Beefort Richtung Haler läit.
Bei der Holzaktioun goufen am Ganze 82 Ster Bichenholz, aacht Ster Eechenholz a jeeweils zwee Ster Fichten- a Kiefernholz versteet. Zwee Ster oder duebele Ster bilden ee Kouert. Den Ufankspräis fir Bichen- an Eechenholz loung bei 55 Euro pro Ster an op de Steepräis koumen nach siwe Prozent TVA dobäi. 94 Ster hunn ënnert dem Stréch am Ganze 6.940,02 Euro erabruecht.
No der Stee gouf nach eng kleng Stäerkung ugebueden.
