Nationalfeierdag 2022

Krich a sougenannte Friddenszäiten. Sou kann een a kuerze Wierder déi verschidden Usprooche um Virowend vum Nationalfeierdag zesummefaassen. Ugefaangen hunn d’Feierlechkeete mat engem “Te Deum”, dee vun der Pastoralassistentin Josiane Mirkes zelebréiert a vun der  Chorale Sainte Cécile Beefort mat “Sang mat Waldbëlleg-Haler” encadréiert gouf. Eben d’Chorale hat nach een zweeten Optrëtt den nämmlechten Owend zu Haler an dowéinst gouf den “Te Deum” zu Beefort virgezunn.

Uschléissend goung et op d’”Place des Nations” (beim Kiosk) an net an de Kummelsbau wou de Buergermeeschter Camille Hoffmann eng kuerz Ried gehalen huet. Ewéi beim “Te Deum” war de Krich an der Ukrain een Thema an dernieft huet hien och ee Réckbléck op déi zwou verluere Jore gemeet. Zum Ofschloss vum offiziellen Deel krut d’Sandra Breser-Michels endlech no zwee Joer hir wuelverdéngte Medail fir 25 Déngschtjore bei der Gemeng iwwerreecht.

Ofgeschloss gouf den Owend mat engem vun der Gemeng offréierte Patt, dee bis “Hallwer” gaangen ass, a fir Gedrénks an Iessen huet de Judoclub gesuergt.

Dernière modification le 23.06.2022

Des articles de la même catégorie

Tour de Luxembourg 2022

Tour de Luxembourg 2022

Den Tour de Luxembourg, deen dëst Joer vum 13. bis de 17. September duerch Lëtzebuerg fiert, wäert den 13. an de 15. September an eiser Géigend sinn. Souwuel bei der éischter a bei der drëtter Etapp huet de Passage vun der Vëloscourse Afloss op de Busfahrplang. De...

lire plus
5./6. September

5./6. September

Wéinst Aarbechten um Waassernetz gëtt d’Waasserversuergung an der Nuecht vun e Méindeg, de 5., op en Dënschdeg, de 6. September, kuerzzäiteg tëschent 20 an ongeféier 7 Auer ënnerbrach. Betraff sinn d'Haiser ënnert der Héicht vum Delhaize bis erof an d'Duerf.  **** En...

lire plus