Mat engem Te Deum an der Kierch zu Beefort hunn d’Feierlechkeeten um Virowend vum Nationalfeierdag ugefaangen, déi vun der Pastoralassistentin Josiane Mirkes gestallt gouf an vun de Choralle Sainte Cécile Beefort a Sang mat Waldbëlleg/Haler encadréiert gouf.
Uschléissend goung et an engem Cortège op d’Place des Nations (Kiosk) op eng Réceptioun mat Éierewäin, offréiert vun der Gemeng an Zesummenaarbecht mat der Kulturkommissioun vu Beefort. Iessen a Gedrénks goufe vum “Groupe sportif récréatif et culturel Fiolhoso et Beaufort” an de Beeforter Duerffrënn organiséiert a fir musikalesch Stëmmung huet den “DJ Soundtrip” gesuergt.
Zum Schluss bleift nach ervirzehiewen, datt d’Feierlechkeeten um Virowend vum Nationalfeierdag d’Krittäre vun engem “Green Event” erfëllt hunn.
