Nieft dem Kierfecht a bei der Entrée vum Parking vun der Schwämm un der Grand-Rue goufen nei Chargy-Installatioune fir véier Elektroautoen installéiert, déi lo a Betrib sinn. Dëst ass lo dréi drëtt ëffentlech Plaz hei zu Beefort, wou ee säin Elektroauto luede kann.
Déi aner zwou Plaze sinn um Parking bei der Place des Nations (Kiosk) a virum Sëtz vum Natur- a Geopark Mëllerdall (Theishaus). Des Weidere kënne Cliente vum Hotel Meyer hiren Tesla op enger “Tesla Destination Charger” oplueden a fir déi aner Marke steet och eng Luedstatioun zur Verfügung.
Déi komplett Installatioun mat den zwou Borne fir am Ganze véier Elektroautoen a mat den Stroossen- an Uschlossaarbechten (neie Parking an Terrassement) beleeft sech op ronn 41.600 Euro mat der TVA. Ofschléissend bleift nach drop hinzeweisen, datt an Zukunft nach weider Luedstatiounen um Gebitt vun der Gemeng Beefort virgesi sinn ewéi zum Beispill zu Déiljen.
