Neijooschempfank mat Banquet

An der Brasserie “Beim Adelheid” gouf de leschte Freideg den Neijooschempfank vun der Gemeng mat Banquet organiséiert. Nieft dem Personal vun der Gemeng waren nach de fréieren an aktuelle Schäfferot invitéiert.

A senger Ried huet de Buergermeeschter Jean-Luc Nosbusch ee Réckbléck op d’lescht Joer gemeet. D’Joer 2023 war ee Joer vum Wiessel. Nieft enger neier Koalitioun op Landesniveau gouf et och zu Beefort ee Wiessel. Nodeems déi magesch Grenz vun 3.000 Awunner iwwerschratt gouf, huet gläichzäiteg de Walsystem geännert: vu Majorz op Proporz. D’Resultater vun de Gemengewalen hunn erginn, datt een neie Schäfferot d’Geschécker vun der Gemeng déi nächst sechs Joer wäert leeden.

Zwee Leit vum Gemengepersonal haten 2023 ee perséinleche Wiessel. Op der enger Säit war dat d’Erika Dockendorf an den Hubert Sauber, déi 2023 offiziell an d’Pensioun gaange sinn. Op eng méi humorvoll Manéier ass de Buergermeeschter Jean-Luc Nosbusch op hire beruffleche Wee agaangen. D’Erika huet d’Schoulkanner mam Bus an d’Schoul gefouert an och d’Flyeren an “De Beeforter” vun der Gemeng bei all Wieder verdeelt. Den Hubert huet am Service technique net nëmme beim Klimapakt wäertvoll Aarbecht geleescht.

Ofschléissend huet den éischte Schäffe Bruno Grilo dem Lily Scholtes eng Laudatio gehalen an ee Réckbléck op hir 36 Joer aktiv Gemengepolitik gemeet. Bekanntlech huet sech d’Lily Scholtes aus der Gemengepolitik zréckgezunn.

Nom gudde Maufel gouf bei flotter Musek an Ambiance nach schéi Stonne verbruecht.  

Dernière modification le 23.01.2024

Des articles de la même catégorie

Fréiere Schapp vum “Josy” ofgebrannt

Fréiere Schapp vum “Josy” ofgebrannt

Gëschter am Laf vum Nomëtteg huet et am fréiere Schapp vum “Josy” gebrannt. De “Josy” war den Zichelchen, deen tëschen de Joren 1904 a 1948 vum Grondhaff erop op Beefort gefuer ass. Am Joer 1966 huet de “Comité protecteur de la Troupe St Willibrord” vun Iechternach de...

lire plus
Interaktive Geo-Pad ageweit

Interaktive Geo-Pad ageweit

Gëschter am Nomëtteg gouf den interaktive Geo-Pad “Haupeschbaach an Halerbaach” a Präsenz vum Minister fir Raumentwécklung Claude Meisch offiziell ageweit. Schonns am Oktober d’lescht Joer gouf de Grondstee vun dësem Geo-Pad geluecht:...

lire plus
Ee Logo fir d’Gemeng Beefort

Ee Logo fir d’Gemeng Beefort

Mat enger grousser Majoritéit (zéng Jo-Stëmmen an enger Enthalung) huet de Gemengerot gëschter Owend den neie Logo vun der Gemeng Beefort validéiert. D’Iddi vun engem moderne Logo nieft dem Wopen, dee weiderhin erhale bleift, stoung schonns eng länger Zäit am Raum an...

lire plus
Aller au contenu principal