Beaufort
12.7°C (12.6 / 12.8)
89%
945 hPa
0 m/s
Raf. 0 m/s
174 W/m²
0 mm

Ronn 130.000 Euro an d’Gesondheet investéiert

Nodeems d’lescht Joer d’Gemeng an Zesummenaarbecht mat den hauseegene Physiotherapeute vun der “Seniorenresidenz Petite Suisse” ee spezielle Outdoor-Fitness fir Senioren beim Sportsterrain nieft der Äispiste opgeriicht huet, ass dëse Site mat weidere Outdoor-Fitness-Geräter erweidert ginn.

Déi nei opgestallte Geräter si fir all Generatioun gëeegent an op grousse verständleche Panneaue gëtt erkläert wéi eng Übungen op der jeeweileger Statioun maache kann. Selbstverständlech ass et jidderengem iwwerlooss seng eegen Übungen ze maachen an dat am perséinleche Rhythmus. Zertifiéiert a gepréifte Fallschutzmatte suergen dofir, datt d’Sécherheet schonns am Virfeld garantéiert gëtt.

Dëse Projet mat den Travaux de gros oeuvres, de Geräter an den Ofschlossaarbechte kaschten 127.054,91 Euro. Also ronn 130.000 Euro goufen investéiert, datt op dëser Plaz een Treffpunkt fir Generatiounen entstanen ass: Spillplaz, Mini-Stade, Outdoor-Fitness fir Senioren an Outdoor-Fitness-Geräter fir all Alter. Kuerz nodeems de Site erweidert gouf ginn et schonns déi éischt Unzeechen a Schied, datt verschidde Leit éischter domadder beschäftegt sinn dës Geräter futti ze maachen aplaz anstänneg ze benotzen.

Hei ënnendrënner eng kleng Fotosgalerie wéi eng Übungen op den neie Geräter maache kann.

Dernière modification le 27.06.2023

Des articles de la même catégorie

Gemeng Beefort zu Liechtenstein ausgezeechent

Gemeng Beefort zu Liechtenstein ausgezeechent

En Donneschdeg, den 12. November, war zu Triesen a Liechtenstein am Kader vun engem Gala-Dinner déi offiziell Präisiwwerreechung vum “European Energy Award Gold 2026”. Mat 90,8 Prozentpunkte konnt d’Gemeng Beefort sech europawäit op déi éischt Plaz placéieren. Um...

lire plus
De Beeforter 86 ass online

De Beeforter 86 ass online

Nodeems de Gemengebuet déi lescht Woch an der Gemeng verdeelt gouf, ass lo och d'Online-Versioun disponibel. Hei ass de Link: https://beaufort.lu/wp-content/uploads/2026/10/De-Beeforter-86.pdf

lire plus
Aller au contenu principal