Déi lescht Woch goufen ausganks der Halerstrooss Richtung Ruttmauer sechs Buchen aus Sécherheetsgrënn gehaen. Bei enger rezenter Inspektioun gouf festgestallt, datt sech de Zoustand vun der grousser Buch an der Kéier a vis-à-vis vum Berenshaus verschlechtert huet. Schonns am Juli 2020 gouf se kontrolléiert op se nach Standsécher wier, respektiv op se riskéiert huet fir op d’Haus oder Strooss ze falen.
Hei ënnendrënner ass den detailléierte Rapport vum Dr. Julia Engels betreffend d’Buch an déi aner Buchen niewendrun an och d’Fotoe vun de Bëschaarbechten, déi vun der Naturverwaltung ausgefouert goufen. Nodeems d’Buche gehae goufen, konnt ee ganz gutt gesinn, datt déi betraffe Beem effektiv an engem schlechten Zoustand waren a vun hinne Gefor ausgaangen ass.
