Am Ëmweltministère gouf d’Drénkwaasser aus der Gemeng Beefort “Drëpsi”-Zertifikat a Sëlwer ausgezeechent. Fir den “Drëpsi”-Zertifikat ze kréie muss een am Ganzen 126 Moossnamen erfëllen: 72 Moossnamen hunn eng “Priorité moyenne” a 54 Moossnamen eng “Priorité faible”. Jeenodeem wéivill Prozent vun de verschiddene Moossnamen ëmgesat goufe, kritt een d’“Drëpsi”-Zertifikat, dat a verschiddene Kategorien ënnerdeelt ass. Marc Rodesch, Responsabel vum Service technique, konnt gëschter am Ëmweltministère d’Zertifikat vun der Ëmweltministesch Joëlle Welfring entgéint huelen.
De Beeforter Waasser-Réseau huet am Ganzen 43 Kilometer an ass an zwou Zonen agedeelt. An de leschte Joren investéiert d’Gemeng an ee modernen an onofhängege Waasser-Réseau, dee Beefort autonom vun de Quellen aus dem Mëllerdall mécht. Dozou gehéieren och nei Waasserleitungen a modern Anlagen. Vill Aarbechte sinn op den éischte Bléck net siichtbar mee déi rezent Drénkwaasseranalyse schwätze fir sech.
Communiqué vum Ëmweltministère
