Bekanntlech huet den Natur- a Geopark Mëllerdall seng Kandidatur gestallt fir als “Unesco Global Geopark” unerkannt ze ginn. Virgëschter Owend sinn d’Unesco-Evaluateure Martina Pásková aus dem tschecheschen “Unesco Global Geopark Bohemian Paradise” a Panagiotis Paschos aus dem “Unesco Global Geopark Vikos-Aoos” an eis Regioun ukomm.
Wärend dräi Deeg huelen d’Evaluateure d’Kandidatur vum Natur- a Geopark Mëllerdall ënnert d’Lupp an den Ufank gouf gëschter Moien am Sëtz vum Natur- a Geopark hei zu Beefort gemeet. No der Virstellung hu se déi nei Ausstellung an der fréierer Jugendherberge besicht. Uschléissend goung de Programm an der Regioun weider a besicht ginn eng Rëtsch Plazen am Natur- a Geopark Mëllerdall, déi fir eis selbstverständlech sinn an zum Alldag gehéieren an awer fir Visiteuren aussergewéinlech sinn.
Weider Informatiounen zu der Ausstellung, déi gratis a fir jiddereen zougänglech ass, ginn et ënnert dem folgende Link
