12.09.2025: Prett fir d’Schoulrentrée 2025
Haut Freideg am Laf vum Moie goufen déi lescht Miwwele geliwwert an d’Gebai ass prett fir dëse Méindeg, de 15. September, déi éischt Kanner vum Cycle 1 ze empfänken. Eng kleng Fotosgalerie vum Site an den éischte fäerdeg Klassesäll.
15.07.2025: De Gemengerot besicht de Schantjen
Am Uschloss vun der Gemengerotssëtzung vun haut de Moien huet een Deel vum Gemengerot de Chantier vum neie Schoulgebai vum Cycle 1 besicht. Wärend dem Rondgank hunn de Marc Rodesch an den Andy Wagner vum Service technique vun der Gemeng Detailer zum aktuelle Stand vun den Aarbechte ginn.
Dat neit Schoulgebai wäert a genee zwee Méint, de 15. September, déi éischt Schoulkanner empfänken.
23.05.2025 (Fotogalerie)
Artikel vum 15.09.2023
Nom Congé collectif lo am August hunn d’Ëmbauaarbechte vum neie Gebai fir de Cycle 1 nieft der Sportshal ugefaangen. Dat “al Gebai” gouf pénktlech fir d’Schoulrentrée ofgerappt an op dëser Plaz kënnt een neit Gebai mat dräi Säll um Rez-de-Chaussée an dräi Säll um éischte Stack. Normalerweis wäert d’Gebai fir d’Schoulrentrée 2025/2026 fäerdeg sinn a Stand haut kascht de Projet ongeféier 6,5 Milliounen Euro.
An der Reegel läit d’Zuel vun de Kanner, déi wärend engem Schouljoer op d’Welt kommen, an der Gemeng Beefort tëschen 30 a 35. An der Zäit vum 1. September 2020 an 31. August 2021 läit dëse Wäert bei 49 Kanner an dat erkläert d’Vergréisserung vun der Schoul.
****
Après le congé collectif en août ont débuté les travaux de transformation de la nouvelle école pour le cycle 1 à côté du hall sportif. L’ « ancien bâtiment » a été démoli à temps pour la rentrée scolaire et à cette place viendra un nouveau bâtiment avec trois classes au rez-de-chaussée et trois salles au premier étage. Il est prévu que ce bâtiment sera prêt pour la rentrée scolaire 2025/2026 et le projet coûtera environ 6,5 millions d‘euros.
En moyenne le nombre des enfants qui naissent et résident dans la commune de Beaufort pendant une année scolaire, c’est-à-dire entre le 1er septembre et 31 août, se situe entre 30 et 35. Pendant la période du 1er septembre 2020 et 31 août 2021 le chiffre s’est élevé à 49, ce qui explique l’agrandissement de l’école.
28.08.2023
30.08.2023
15.09.2023
