A senger Sëtzung de 27. Mäerz huet de Gemengerot d’Zesummesetzung vun de berodende Kommissioune gestëmmt (Rapport fir nozeliesen). E Méindegowend sinn d’Membere vun den eenzelne Kommissiounen an de Kummelsbau zesummekomm fir iwwer de President an de Sekretär ofzestëmmen.
An hirer Begréissung hunn déi zwee Schäffe Bruno Grilo a Lynn Mossong de Sënn an Zweck vun de berodende Kommissiounen erkläert a wéi se funktionéieren. Wéi den Numm et schonns seet hunn d’Kommissiounen eng berodend Funktioun an d’Décisioune an Iddie ginn dem Schäfferot matgedeelt, deen dann iwwert déi nächst Schrëtt entscheet.
D’Mandat vun de Membere vun de berodende Kommissiounen hält entweder mat enger schrëftlecher Demissioun oder spéitstens bei den nächste Gemengewalen. Theoretesch wier dat am Juni 2029. An dëser Period ginn et e puer nei Kommissiounen, déi et virdrun net gouf, an anerer, bei där sech des Kéier genuch Kandidate gemellt hunn.
D’Zesummesetzung vun den eenzelne berodende Kommissioun ginn et ënnert dësem Link: https://beaufort.lu/la-commune/politique/commissions-consultatives/
