Zwee nei Mataarbechter

D’Administratioun vun der Gemeng Beefort krut an de leschte Woche Verstäerkung. Zanter dem 15. Mäerz ënnerstëtzt d’Lis Brepsom de Populatiounsbüro mam Eliane Seiwert a Sandra Michels. An der Gemengerotssëtzung vum 31. Januar stoungen eelef Kandidaten zur Wiel an d’Lis Brepsom gouf mat de meeschte Stëmmen op dëse Posten ernimmt. Den 8. Mee gouf hatt vum Buergermeeschter Jean-Luc Nosbusch offiziell vereedegt.

D’Sekretariat ass d’Schnëttstell tëschen der Politik an der Verwaltung. An enger Zäit an däer ëmmer méi spezifesch Gesetzer a Reglementer op der Dagesuerdnung stinn an d’Erausfuerderungen ëmmer méi villfälteg an d’Uspréch méi grouss ginn, brauch ee Fachleit mat Duerchbléck am sougenannte Pabeierdschungel. Zemools an enger Gemeng, déi an de leschte Joren ëmmer méi Awunner zielt. Op Vältesdag huet de Gemengerot eng zukunftsweisend Décisioun getraff. Mat der Nominatioun vum neie Gemengesekretär Christophe Bastos, dee schonns wäertvoll Erfahrung an de Gemengen Dikrech a Konsdrëf gesammelt huet, gëtt d’Sekretariat vun der Gemeng gestäerkt. Zanter dem 1. Mee setzt sech d’Ekipp am Sekretariat zesummen aus dem Christophe Bastos an dem Tessy Pena a si zwee deele sech déi verschidden Aufgaben, déi ustinn.

Mir wënschen hinnen alleguer Bonne Chance a freeën eis op déi gutt Zesummenaarbecht.

Dernière modification le 22.05.2024

Des articles de la même catégorie

Klimapakt-Dag mat Beeforter Bedeelegung

Klimapakt-Dag mat Beeforter Bedeelegung

De Ministère fir Ëmwelt, Klima a Biodiversitéit a Klima-Agence hunn op de Klimapakt-Dag 2024 invitéiert, deen an der Chambre des Métiers um Kierchbierg de leschte Freideg stattfonnt huet. Bei dëser Geleeënheet goufen zum Ofschloss d’Klimapakt-Zertifikatiounen...

lire plus
Buergermeeschterdag zu Munneref

Buergermeeschterdag zu Munneref

62 vun 100 Gemenge ware gëschter beim Buergermeeschterdag am Casino 2000 zu Munneref vertrueden an ënnert den iwwer 650 Leit war och eng Delegatioun vu Beefort vertrueden. Um Buergermeeschterdag sinn net nëmmen d’Buergermeeschteren ageluede mee och Schäfferéit,...

lire plus
Gutt Stëmmung beim Beeforter Europadag

Gutt Stëmmung beim Beeforter Europadag

Passend zum Europafändel huet sech d’Wieder um Europadag presentéiert: Bloen Himmel an d’Sonn huet geschéngt. Lues awer sécher entwéckelt sech den Europadag zu Beefort zu engem feste Bestanddeel vum Manifestatiounskalenner. Déi éischt Editioun, déi vun der deemoleger...

lire plus
Aller au contenu principal