330 Kilometer géint de Broschtkriibs

De Vëlosclub “Les Bergeronnettes” vun Arel, deen 2021 gegrënnt gouf, besteet ausschliisslech aus Fraen an eng 20 Membere vum Veräin hu sech d’lescht Joer un engem Challenge an Holland zu Gonschte vu “Think Pink Belgium” bedeelegt. Ënnert dem Numm “Girls on fire” si si 400 Kilometer mam Vëlo gefuer an hunn dobäi 23.645 Euro fir de Kampf géint de Broschtkriibs gesammelt.

Dëst Joer hunn d’Dammen eng änlech Aktioun gestart an um Programm stoung dat anert Nopeschland an zwar Lëtzebuerg. Freides wor den Depart am Fond de Gras an no 85 Kilometer war d’Arrivée am Pommerlach. Vun do aus goung et den Dag drop op Beefort. No haarden 115 Kilometer huet d’Gemeng Beefort eng Receptioun fir déi ronn 30 Dammen engagéiert Dammen am Alter tëschen 22 a 65 Joer an der Jugendherberg offréiert. De leschten Dag goung et vu Beefort zréck op d’Arrivée an de Fond de Gras, wou se no 130 Kilometer ukomm sinn.

D’Iddi fir op Lëtzebuerg ze komme kënnt vum Vanessa Grandjean nodeems hatt mat der Ekipp aus Holland zréckkomm ass. Si schafft zu Lëtzebuerg am “Centre hospitalier du Luxembourg” als Psychologin am Service Onkologie an huet sech bei “Think Pink Lux” informéiert op een déi Iddi och zu Lëtzebuerg ëmsetze kann. Nieft dem Sport steet och d’Gesondheet am Mëttelpunkt vun den “Les Bergeronnettes”, déi nieft der Belsch och Memberen aus Frankräich a Lëtzebuerg hunn. Verschiddener vun hinnen hunn de Broschtkriibs iwwerstanen an dat mécht dëse Vëlostour nach méi emotional a sentimental.

D’Ziel vun dëser Editioun ass et de Spendenbetrag vum leschten Joer ze iwwertreffen an effektiv hu se de leschten Dag bei der Arrivée am Fond de Gras koum d’Nouvelle, datt se schonn 29.000 Euro gesammelt hunn. Vläicht kommen nach e puer Spenden no, datt se déi magesch Grenz vun 30.000 Euro dach nach knacken.

https://thinkpinklux.com/events/think-pink-tour-de-luxembourg-2023

Dernière modification le 18.09.2023

Des articles de la même catégorie

Konveniat vun der Beeforter Jugend

Konveniat vun der Beeforter Jugend

Déi fréier Membere vum Beeforter Club des Jeunes hunn de leschte Samschdeg am “Puck” hir Erënnerunge vu fréier bei engem Konveniat opgefrëscht. Viru bal engem Véirelsjorhonnert, ëm d’Joer 2000, ware si ënner anerem zesummen um Tour an hu vill Saache gemeinsam...

lire plus
“Revolutioun zu Beefort: De Kinnek ass gefall”

“Revolutioun zu Beefort: De Kinnek ass gefall”

24 Ekippe mat jeeweils tëschen zwee a sechs Leit haten de leschte Samschdeg ee grousst Ziel: De Kinnek ze “stierzen”. Allerdéngs war dat net am politeschen oder gesellschaftleche Sënn gemengt mee beim Wikingerschach, oder och “Kubb” genannt. Nom grousse Succès bei der...

lire plus
Aller au contenu principal