Eng knapps 100 Oldtimere sinn de leschte Samschdegmoien duerch Beefort gefuer. Ewéi déi Jore virdru stoung bei der drëtter Editioun vun de “Luxembourg Classic” Beefort um Programm. Um éischten Dag war d’Éislek (261 Kilometer) an den zweeten Dag de Mëllerdall (181 Kilometer) am Mëttelpunkt vun der Oldtimer-Rallye, déi vun der “Motor Presse Stuttgart” organiséiert gëtt. D’Aushängeschëld vun der “Motor Presse Stuttgart” ass de Magazin “auto motor Sport”, déi all zwou Wochen erauskënnt.
Nom Depart beim “Parc Hotel Alvisse” goung et op d’Teststreck vun der “Goodyear” an iwwer Bettenduerf op Beefort. Zu Beefort ukomm si se iwwert d’Eppelduerferstrooss, Halerstross a “Ruttmauer” erof op de Parking vum Schlass gefuer, wou eng Durchfahrtskontrolle gewaart huet. Leider huet den Niwwel net labber gelooss a bei den éischten Autoen, déi kuerz op hallwer eelef duerch Beefort gefuer sinn, war et zimmlech fiicht, kal a frësch.
No Beefort gouf eng Mëttegpaus zu Iechternach gemeet an iwwert de Groesteen a Gréiwemaacher war bei der Gëlle Fra de groussen Ofschloss vun der Oldtimer-Rallye.
