“Journée 55+” am Kummelsbau

De Schäffen- a Gemengerot an Zesummenaarbecht mat der Kommissioun vum Drëtten Alter vun der Gemeng Beefort an de Beeforter Senioren hunn op déi dësjäreg Editioun vun der Journée 55+ invitéiert. No e puer Joer huet d’Fest fir déi eeler Matbierger rëm zur gewinnter Zäit stattfonnt.

Bei senger Begréissung ass de Buergermeeschter Camille Hoffmann jidderengem Merci gesot fir d’Geléngen an der Organisatioun vum dësem Fest. Nieft dem Generatiounsgaart gëtt et an der Tëschenzäit eng weider Infrastruktur dir d’Senioren an zwar den Outdoor-Fitness tëschen der Äispiste an der Senioreresidenz. Hei goufe véier Geräter opgeriicht op deenen een altersgerecht Übunge ka maachen. Bei all Statioun sti grouss a verständlech Panneauen, déi erklären ewéi déi eenzel Übunge gemeet ginn. Dësen Outdoor-Fitness gouf an Zesummenaarbecht mat de Physiotherapeute vun der Senioreresidenz ausgewielt an ass fir jiddereen zu all Moment zougänglech.

Am Laf vun dësem Joer huet de Beeforter Gemengerot sech eestëmmeg fir eng Zesummenaarbecht mat hinnen décidéiert. De Club Senior “An der Loupescht” ass kee Veräin mee e Service vun der Croix-Rouge (Rout Kräiz). Si bidde villfälteg Servicer an Aktivitéiten am Beräich vum Aktiven Alteren, souwéi der Präventioun vum sozialen Isolement  un. De Service ass fir jiddereen aus eiser Regioun an dorënner zielen och sämtlech Awunner aus der Beeforter Gemeng. Si gi vum Ministère vun der Famill, der Integratioun an der Groussregioun ënnerstëtzt. Et sief bemierkt, datt de Club Senior “An der Loupescht” eng zousätzlech Beräicherung zu de Beeforter Senioren oder anere Veräiner an der Géigend ass, déi um lokalen Niveau aktiv sinn. Carole van der Zande, Chargée de Direction vum Club Senior “An der Loupescht”, huet vun der Geleeënheet profitéiert fir sech an de Club Senior virzestellen.

An enger flotter Gesellschaft an Ambiance konnt uschléissend jidderee bei Schnittercher, Kaffi a Kuch an engem gudde Pättche e puer flott a gemittlech Stonne verbréngen. Fir Animatioun a Musek huet den “Haemelmaous Duo” gesuergt. Éier d’Leit Heem gaange si krute si nach eng Kuscheldecke vun der Gemeng offréiert.  

Dernière modification le 21.11.2022

Des articles de la même catégorie

Holzstee am “Scheiwelterbësch”

Holzstee am “Scheiwelterbësch”

A gemeinsamer Zesummenaarbecht hunn de leschte Samschdeg d’Gemeng Beefort an de Fieschter mat hire jeeweilege Mataarbechter eng Holzstee mat Lietsch organiséiert. Si huet grad esou wéi d’lescht Joer am “Scheiwelterbësch”, deen Ausgank Beefort Richtung Haler läit,...

lire plus
Klimapakt-Dag mat Beeforter Bedeelegung

Klimapakt-Dag mat Beeforter Bedeelegung

De Ministère fir Ëmwelt, Klima a Biodiversitéit a Klima-Agence hunn op de Klimapakt-Dag 2024 invitéiert, deen an der Chambre des Métiers um Kierchbierg de leschte Freideg stattfonnt huet. Bei dëser Geleeënheet goufen zum Ofschloss d’Klimapakt-Zertifikatiounen...

lire plus
Aller au contenu principal