De leschte Weekend huet de “Groupe sportif récréatif et culturel Fiolhoso et Beaufort” op ee portugisescht Volleksfest invitéiert. Dat Ganzt huet sech op der Place des Nations (Kiosk) ofgespillt.
Fir musikalesch Kläng huet e Samschdeg Owend am Ufank de Grupp “Os Nova Onda” aus der Schwäiz gesuergt. Nodeems de Publikum sech waarm gedanzt huet koum den Optrëtt vum Cristiana Sa mat hirer Grupp. E Sonndeg stoung moies ab 10.30 Auer eng Matinée um Programm a fir Animatioun huet rëm de Grupp “Os Nova Onda” gesuergt. Déi portugisesch Folklorgruppen “Minhotos de Echternach”, “Al Lavradeiras do Minho” an “Os Amigos do Minho” hu se sech virun der Gemeng versammelt an am Cortège si bei de Kiosk getrëppelt. Ugefouert gouf de Cortège vun de Gäscht aus Fiolhoso.
Fiolhoso läit eng gutt 120 Kilometere westlech vu Porto ewech an ass eng Gemeng am Krees Murça am Distrikt Vila Real. Déi meescht portugisesch Matbierger hei an der Gemeng kommen aus Fiolhoso an doduercher gëtt et eng speziell Relatioun tëschen den zwou Gemengen.
