Ravitaillement zu Beefort

De groussen Tour vum “Schleck Gran Fondo” ass rëm duerch Beefort gefuer, wou wéi déi Jore virdrun ee Poste de ravitaillement op der Gare war. Nom Départ um 9.30 Auer zu Munneref sinn d’Cyclisten no 77,2 Kilometer zu Beefort ukomm. Beim groussen Tour vun 155 Kilometer hu sech 2.384 Cyclisten ageschriwwen a beim klengen Tour vu 89 Kilometer waren et der 980. Hei op der Gare hu se net nëmmen eng kleng Stäerkung ageholl mee verschidde Cyclisten hu vun der Geleeënheet profitéiert kleng technesch Reparature virhuelen ze loossen.

Bei dëser sechster Editioun gouf et leider een trageschen Tëschefall zu Kanech ze vermellen. Bei engem Accident huet een 73 Joer ale Cyclist seng schwéier Blessuren net iwwerlieft an ass gestuerwen. Doropshi gouf d’Randonnée neutraliséiert.

Bei hirem Passage zu Beefort war déi traureg Nouvelle nach net bekannt a sou war et wéi déi Jore virdrun eng flott a familiär Ambiance beim Ravitaillement.

Dernière modification le 05.06.2023

Des articles de la même catégorie

Nei Strukture fir een expandéierende Veräin

Nei Strukture fir een expandéierende Veräin

Amplaz vum erkrankte President Carlo Welter huet de Benny Welter d’Generalversammlung vum Beeforter Äishockeyclub “Beaufort Knights” opgemeet. Bannen e puer Joer ass de Veräin immens gewuess an alleguer musse sech un dës nei Situatioun an alle Beräicher ugewinnen. An...

lire plus
Zwee Presidenten zéie sech zréck

Zwee Presidenten zéie sech zréck

An der gemeinsamer Generalversammlung vun de Judoveräiner Beefort an Iechternach ass d’Nouvelle, datt sech zwee Presidenten aus dem Comité zréckzéien: den aktuelle President vun Iechternach Claude Siebenbour an de fréiere Beeforter President Camille Hoffmann. De...

lire plus
Aller au contenu principal